Muiñeiras de Requiande

Alimentación

Quen somos?

Son Elvira Posada García, agricultora ecolóxica dende hai 10 anos. Anteriormente avogada laboralista e impulsora de proxectos de desenvolvemento, moitos no ámbito rural, en Centroamérica.

As Muiñeiras de Requiande é un obradoiro compartido con producións da comarca, para transformar excedentes hortofrutícolas a través de fórmulas tradicionais e outras innovadoras de conservación de alimentos.

Que facemos?

· Produción, elaboración, transformación e comercialización de produtos vexetais, pola sociedade, por outras produtoras da comarca que subscriban con ela o correspondente convenio.

· Actividades de formación e divulgación sobre prácticas colaborativas, os diferentes métodos de transformación e conservación de alimentos e a obtención de produtos agrícolas máis saudables para as persoas e o medio ambiente.

· A promoción do mellor aproveitamento da produción agrícola, do consumo local, do uso de recursos renovables e da conservación da biodiversidade.

Temos presente a inclusión

Traballo en colaboración co Centro de Educación especial, que ademais subministra con prioridade os produtos que se han de adquirir fóra da explotación da empresa.

Somos ESS porque...

perseguimos a mellora do medio ambiente na nosa contorna, poñemos ao servizo das produtoras locais unhas instalacións que poden axudar a consolidar a súa actividade e a favorecer a repoboación do rural, favorecendo o consumo de produtos locais e impulsando o traballo en rede.