Acción Contra a Fame - Galicia

Acción social e ONG
Emprego social

Quen somos?

Unha equipa multidisciplinar de arredor de 20 persoas que xestionamos diversos proxectos de emprego e emprendemento.

Acompañamos a persoas en situación de desemprego e vulnerabilidade, favorecendo a súa inserción sociolaboral a través do autoemprego e do emprego por conta allea.

Facebook

Que facemos?

A través dos nosos programas de emprego, propoñemos itinerarios que combinan orientación laboral, formación e obradoiros para facilitar a inserción laboral das persoas participantes.

Dende os nosos programas de emprendemento, camiñamos coas persoas participantes na transformación do seu proxecto nun negocio real a través do desenvolvemento persoal e a adquisición de competencias técnicas, financeiras e emprendedoras.

Na área de emprendemento desenvolvemos dous proxectos, cos cales buscamos potenciar a equidade, o traballo digno, a cooperación, a economía social e a sostibilidade:

Vives Emprende Xuvenil_Xeración IN Galicia, dirixido a mozas e mozos de 18 a 29 anos en desemprego, ofrece asesoramento, formación, apoio financeiro e acompañamento para transformar ideas en proxectos con impacto positivo.
Comunidades de Emprego e Emprendemento Rural Sostible, específico para municipios rurais, onde buscamos fixar poboación a través do acompañamento e a formación para a mellora do emprego e o autoemprego.

Somos ESS porque...

Entendemos a economía como un medio para vivir mellor, non como un fin en si mesma. Entendemos o emprendemento como unha ferramenta ao servizo da vida e non do lucro. Nos programas que desenvolvemos, acompañamos a persoas que buscan crear proxectos con impacto social, ambiental e territorial positivo, promovendo a cooperación, a equidade e o compromiso coa contorna. Apostamos por unha economía que pon no centro ás persoas, recoñece o valor do traballo digno, impulsa a participación comunitaria e fomenta modelos sostibles que fortalecen o tecido local. Así, contribuímos a construír territorios máis xustos, inclusivos e resilientes.