Enraizando
Acción social e ONG
Quen somos?
Somos unha cooperativa, nada no 2021, que xurde para cubrir as necesidades detectadas localmente, ofrecendo terapias psicosociais e apoio directo a persoas en situación de vulnerabilidade na súa contorna. O obxectivo é ofrecer unha intervención de calidade dentro dun marco profesional coherente cos nosos valores, centrado no benestar integral de profesionais e persoas atendidas.
O equipo de Enraizando Sociedade Cooperativa está formado por profesionais cunha ampla e profunda traxectoria no traballo con colectivos vulnerables e persoas con sufrimento psíquico:
Jose Antonio Moreno Bustamante: Educador Social, experto en Saúde Mental. Deseño de programas.
Alicia Abad Azuara: Psicóloga. Experiencia en xestión de equipos na Rede de Saúde Mental de Madrid. Artífice dos Laboratorios de Benestar.
Carlos Pacheca Flores: Educador Social, Máster en Rehabilitación Psicosocial. Lidera a xestión institucional e estratexia.
Víctor Moreno García: Integrador social cun forte compromiso coas persoas
Silvia Vázquez Peñamaría: Psicóloga. Técnica en intervencións. Impulsora do programas de sensibilización en IES.
Belén Moreno San Román: Traballadora Social con experiencia en Saúde Mental e proxectos de sensibilización en IES.
Que facemos?
Acollida e Coidado é a nosa filosofía. Enraizando ten por obxecto a prestación do traballo das persoas socias para producir en común bens e servizos para terceiros e a mellora da condición de vida das persoas.
A nosa actividade céntrase na posta en marcha de proxectos sociais. Desenvolvemos programas de apoio individuais e familiares, de formación no ámbito da rehabilitación psicosocial, de supervisión de equipos profesionais que traballan neste eido e de sensibilización sobre a saúde mental. O programa axústase ao ritmo das persoas atendidas, é a persoa quen decide cando, onde e durante canto tempo se mantén a intervención.
Ofrecemos servizos relacionados coa inclusión social, coas urxencias sociais, coas perspectivas de xénero, coa saúde mental, coa contorna familiar e co voluntariado social.
Somos ESS porque...
Priorizamos as Persoas e o Benestar: A través da dedicación ao benestar, o coidado e a intervención psicosocial en colectivos vulnerables (saúde mental, sen fogar), antepondo o valor social ao lucro.
A nosa estrutura é Cooperativa e Democrática: somos unha Sociedade Cooperativa, o que implica unha xestión baseada na participación, buscando o autoemprego de calidade para as profesionais.
Temos compromiso Comunitario: a iniciativa xorde dunha análise da realidade local en Ribeira para cubrir necesidades detectadas, promovendo a inclusión comunitaria e evitando o estigma.
En esencia: somos unha cooperativa que pon no centro o coidado das persoas e o compromiso social, aliñándose cos principios de democracia, equidade e utilidade social da ESS.