Unha cooperativa onde Raquel Doallo Álvarez, Xoana Álvarez Martín e Miguel Peralta Maraver traballamos a pintura, a obra gráfica e o muralismo partindo dos seguintes valores:

· Somos unha cooperativa, entendemos o traballo deste xeito. Defendemos unha dignidade retributiva, tempo de ocio e equidade.

· Defendemos un proxecto sostible, que dure no tempo e respecte e coide a contorna natural minimizando e facendo un uso responsable dos residuos.

· Compromiso coa contorna: coñecer e respectar os espazos onde intervimos cos murais.