Aventeira

Educación e formación
Turismo e lecer

Quen somos?

Unha entidade sen ánimo de lucro, o noso fin último é a transformación do mundo nun lugar mellor. Traballamos para as persoas, facendo fincapé nos coidados e na comunicación.

O trasfondo educativo é parte fundamental de toda a nosa actividade, buscando sempre, de xeito explícito ou implícito, transmitir á sociedade os valores que nos moven.

Detrás de Aventeira estamos Aitor, Andrea, Bobi, Miren, Pol, Rubén, Rubo, Inés e Xulio, coordinadoras de tempo libre e técnicas en igualdade con anos de experiencia no sector. A nosa traxectoria avala a nosa profesionalidade e capacidade de traballo en actividades moi diversas: asociacionismo, xestión e redacción de proxectos, coordinación de equipos de persoas, dinamización, gamificación, mediación, igualdade de xénero, organización de campamentos, excursións e actividades de todo tipo.

Que facemos?

· Campamentos infantís e/o xuvenís e outras actividades de lecer e tempo libre.

· Roteiros e excursións para centros educativos e outros colectivos.

· Formación para a obtención das titulacións oficiais de Monitor/a de Lecer e Tempo Libre, Director/a de Actividades de Lecer e Tempo Libre, Director/a de Campos de Voluntariado e cursos complementarios.

· Mediación escolar.

· Igualdade para centros educativos, AFAs, colectivos ou institucións públicas.

· Dinamización cultural e lingüística.

· Proxectos de participación infantil e xuvenil.

· Hostalería no Xeocamping Montañas do Courel (Ribas de Sil - Lugo).

Somos ESS porque...

estamos totalmente en liña cos seus valores. Cremos na creación colectiva, no diálogo e nos consensos, e poñemos sempre ás persoas por diante. Apostamos máis pola cooperación que pola competición. Para acadar este obxectivo, servímonos do modelo cooperativo, que nos permite traballar con outras, dende a horizontalidade e a cooperación, na consecución dos nosos fins.