Amarelante

Alimentación

Quen somos?

Unha cooperativa que nos movemos baixo os principios de sostibilidade ecolóxica e xustiza social. A sostibilidade ecolóxica procurámola mediante a recuperación de soutos abandonados, a reactivación da produción de castañas e a redución do risco de incendios forestais. A xustiza social manifestase na loita por revitalizar o medio rural e facer da recollida e produción de castañas unha actividade de presente e de futuro en Manzaneda.

Cada castaña, fariña ou bica é o resultado da unión destes principios durante os seus respectivos procesos de elaboración.

Davide Rodridez, Iria González, Lito Prado, Luz Ocampo, Marcos Conde, Natalia Nogueira, Oscar Freire e Sonia Couso, somos o grupo de persoas que dende diferentes perfis profesionais contribuímos á xestión diaria da cooperativa. Pensamos en Amarelente como o proxecto onde poñer en práctica os principios que nos moveron ao longo da nosas vidas de activistas en diferentes movementos sociais, culturais e ambientais.

Que facemos?

Constituímos esta cooperativa para a recuperación de soutos para a producción de castaña e derivados. Promovemos a sustentabilidade ambiental, social e cultural a través de diferentes actividades como as visitas á cooperativa tanto pedagóxicas como turísticas.

Con ela procuramos:

· Dinamizar unha zona rural do interior de Galicia, a partir da posta en valor dos seus recursos endóxenos e promovendo o asentamento de poboación.

· Crear emprego tanto para as persoas cooperativistas como para o municipio, baixo os principios da sustentabilidade e a xustiza social.

· Contribuír á frear os procesos de degradación dos espazos rurais galegos causados polo seu abandono.

Somos ESS porque...

temos como misión contribuír a mellorar a calidade de vida das persoas socias e da poboación local contribuíndo coa súa actividade ao desenvolvemento socieconómico do territorio no que se asenta. Pretendemos difundir os valores do medio rural galego como unha estratexia colectiva para a superación das rixideces do capitalismo.

Entendemos o noso proxecto como unha ferramenta de trasformación social.
Promovemos unha volta ao medio rural, cunha visión integradora, de respecto mutuo.
Solidareidade intra e inter xeracional.
Desenvolvemento comunitario e participación social.
Autoxestión
Apoio mutuo