Alalá é unha cooperativa sen ánimo de lucro que impulsa a transformación ecosocial mediante proxectos educativos, culturais e sociais. Ofrecemos formacións e acompañamento a comunidades educativas e entidades sociais, con procesos inclusivos e participativos. Traballamos desde o coidado das persoas e do medio ambiente, promovendo igualdade de xénero, convivencia, inclusión, diversidade, sensibilización ambiental e proxectos comunitarios como patios coeducativos, arteterapia, ecofeminismo e participación cidadá.

Ofrecemos formacións e proxectos para a transformación ecosocial das Comunidades Educativas, Entidades Sociais ou Organizacións.

Facémolo seguindo o noso forte compromiso comunitario mediante o coidado medioambiental e das persoas, priorizando procesos inclusivos, participativos e horizontais.

Xuntas loitamos pola xustiza ecosocial.

Temos presente a inclusión:

Contamos con políticas específicas de inclusión. En todos os nosos proxectos garantimos a participación de persoas con discapacidade ou en risco de exclusión, adaptando actividades, espazos e recursos para que sexan accesibles e inclusivos. Traballamos de xeito colaborativo con entidades sociais e seguimos prácticas que fomentan a igualdade de oportunidades e a participación activa de todas as persoas na comunidade.

Traballamos con entidades que promoven a inclusión de persoas con discapacidade e en risco de exclusión, coma por exemplo coa cooperativa Elefantes Rosas, para garantir que os nosos proxectos e actividades sexan accesibles, participativos e inclusivos, reforzando o noso compromiso coa xustiza social.